Taulant Xhaka i rikthehet futbollit, këtë herë në rolin e trajnerit

---

Taulant Xhaka i rikthehet futbollit, këtë herë në një rol të ri. Ish-mesfushori i Baselit do të nisë aventurën e tij si trajner, duke marrë drejtimin e FC Dardania Basel për sezonin e ardhshëm, që bën gara në ligën e katërt të futbollit zviceran. 

Përmes një postimi në faqen zyrtare në Facebook, klubi e prezantoi me shumë entuziazëm Xhakën dhe ndihmësin e tij, Argjend Turkaj: 

“Me krenari dhe respekt të jashtëzakonshëm mirëpresim në radhët tona një nga figurat më të shquara të futbollit shqiptar – Taulant Xhaka, bashkë me ndihmëstrajnerin Argjend Turkaj”. 

 “Një profesionist i rrallë, një luftëtar i vërtetë në fushë dhe një shembull frymëzimi për të rinjtë. Prezenca jote përbën një përforcim të madh për ekipin dhe një nder për gjithë komunitetin tonë. Sot jemi më të bashkuar dhe më të fuqishëm me ty”, thuhej në postimin e tyre në Facebook. 

---