Malisheva mëson kundërshtarin për Ligën e Konferencës

---

Vikingur nga Islanda do të jetë kundërshtari i parë i Malishevës në raundin e parë kualifikues të Ligës së Konferencës. 

Shorti për fazën e parë kualifikuese të Ligës së Konferencës u zhvillua të martën në Nyon, Zvicër. 

Malisheva u rendit në grupin e pestë dhe ishte në kategorinë e ekipeve jo bartëse gjatë shortit. 

Në sezonin 2024/2025 të Superligës së Kosovës në futboll, Malisheva përfundoi në pozitën e tretë. 

Kjo është hera e dytë radhazi që Malisheva merr pjesë në kualifikimet për Ligën e Konferencës. 

Në sezonin e kaluar, skuadra ishte eliminuar në raundin e parë nga Buduçnost Podgorica.

---