Zyrtare: Antony i bashkohet Real Betisit në formë huazimi

---

Manchester United ka konfirmuar se sulmuesi brazilian Antony i është bashkuar Real Betisit në formë huazimi.

Antony do të shpenzojë pjesën e mbetur të sezonit në huazim tek Betisi pas një marrëveshje që ata arritën me gjigantin anglez.

United ka njoftuar se Antonyt i është dhënë leja që të fluturojë për në Spanjë, atje ku do t’i nënshtrohet testeve mjekësore.

Sulmuesi brazilian shpeshherë është përshkruar si një prej blerjeve më të dështuara në histori të klubit.

‘Djajtë e Kuq’ shpenzuan 85 milionë euro për transferimin e tij nga Ajaxi, por ai asnjëherë nuk ia doli që ta dëshmojë pse kualitetin e tij në ‘Old Trafford’.

Këtë sezon ai nuk ka arritur që të sigurojë fanellën e titullarit në asnjë ndeshje në Ligën Premier dhe tani do të shpresojë se do ta ‘ringjallë’ karrierën e tij nën urdhrat e Manuel Pellegrinit.

---