Tahir Batatina me reagim thumbues pasi Llapi siguroi mbijetesën në Superligë

---

Pas sigurimit të mbijetesës në Superligë në ndeshjen vendimtare ndaj Vushtrrisë, ku fitoi 4-1 pas penalltive, trajneri Tahir Batatina reagoi në rrjetin e tij social Facebook.

Batatina i dërgoi urime të sinqerta të gjithë banorëve të Llapit për qëndrimin në Superligë. Ai i sfidoi kritikët duke kërkuar nga ata që të jenë të qetë dhe të presin, duke theksuar se pa Llapin nuk do të kishte Superligë.

Në reagimin e tij pas ndeshjes, trajneri Batatina shtoi se skuadra e Llapit nuk do të ndeshet më në barazhe për të paktën dy dekada të ardhshme. Trajneri llapjan gjithashtu akuzoi pesë klube të tjera se kishin bashkëpunuar për ta nxjerrë ekipin jashtë elitës, pa përmendur emrat e tyre.

Batatina vlerësoi organizimin e Llapit dhe theksoi se do të ishte gabim që skuadra të largohej nga Superliga.

---