Drejtori i Zhvillimit Ekonomik vlerësohet për kontributin në fuqizimin e grave në biznes

---

Me rastin e 25-vjetorit të themelimit të organizatës Women for Women, Drejtori i Zhvillimit Ekonomik në Komunën e Ferizajt, u nderua me mirënjohje për kontributin e dhënë në fuqizimin e grave në fushën e biznesit.

Gjatë ceremonisë, Drejtori theksoi përkushtimin e tij për të vazhduar mbështetjen ndaj grave sipërmarrëse, përmes subvencioneve dhe projekteve që synojnë rritjen e pavarësisë ekonomike dhe përmirësimin e rolit të tyre në zhvillimin ekonomik të komunitetit.

“Ky vlerësim është një motivim i madh dhe një dëshmi se së bashku mund të bëjmë ndryshime pozitive. Fuqizimi i grave është fuqizimi i shoqërisë,” tha ai gjatë fjalës së tij.

Kjo mirënjohje vjen si rezultat i angazhimit dhe përpjekjeve të vazhdueshme për të krijuar një mjedis të favorshëm për gratë në biznes, duke kontribuar kështu në zhvillimin ekonomik dhe social të Ferizajt.

---