Brenda javës së kaluar në Ferizaj regjistrohen 33 aksidente dhe një mijë e 356 gjoba

---

Policia Rajonale e Ferizajt edhe gjatë javës së kaluar është përballur me aksidente në komunikacion si pasojë e pakujdesisë së vozitësve. Gjatë kësaj kohe janë regjistruar gjithsejtë 33 aksidente, ndërkohë Policia ka shqiptuar gjithsejtë një mijë e 356 gjoba.

“Nga këto 33 aksidente, 12 prej tyre ishin me lëndime në të cilat u lënduan 19 persona. Prej këtyre 33 aksidenteve 21 prej tyre ishin me dëme të konsiderueshme materiale. Policia Rajonale e Ferizajt do të vazhdojë me aktivitete të shtuara për të parandaluar aksidentet dhe apelon tek të gjithë drejtuesit e automjeteve që të jenë të kujdesshëm dhe të respektojnë rregullat e trafikut. Ftojmë qytetarët që të bashkëpunojnë me Policinë dhe të raportojnë çdo kundërvajtje në trafik”, thuhet midis të tjerash në raportin javor të Policisë së Kosovës në Ferizaj.

---