Lindon Emërllahu është shpallur futbollisti më i mirë i vitit 2024 nga FFK

---

Lindon Emërllahu është shpallur futbollisti më i mirë i vitit 2024.

Ylli i Ballkanit më 19 dhjetor rrëmbeu po këtë çmim nga redaksia e sportit në Telegraf, ndërsa sot (20 dhjetor) u nderua edhe nga FFK.

“Futbollisti më i mirë i vitit 2024 – Lindon Emerllahu!”, thuhet në postimin e FFK-së.

“Ai është shpallur “Futbollisti më i mirë i vitit 2024”, për performancën e tij, përkushtimin dhe sukseset që ka arritur gjatë vitit”.

Ai ishte dominues në pozitën e tij, ndërsa me Ballkanin fitoi titullin e kampionit dhe Kupën e Kosovës.

Fal paraqitjeve të mira me fanellën e klubit suharekas, mesfushori u ftua edhe te Kombëtarja e Kosovës, ku me shumë sukses edhe fiton minuta.

---