A e keni ditur, Kaqusha Jashari ishte hendbolliste e njohur

---

Ka ndërruar jetë Kaqusha Jashari, politikane dhe aktiviste e dalluar në vendin tonë.

Por Kaqusha Jashari ka dhënë kontribut edhe në hendboll. Ajo ndërroi jetë në moshën 78-vjeçare.

Kaqusha Jashari nisi të merrej me hendboll në shkollën fillore në Gjilan. Nga viti 1961 e deri në vitin 1967 ka luajtur për Kosovën e Prishtinës, që ishte klubi më i suksesshëm në vendin tonë. Gjatë studimeve luajti për Partizanin e Beogradit, ndërsa më pas u kthye dhe luajti për klubin Kosova.

Familja e së ndjerës njihet për lidhjen me hendbollin.

Në emër të komunitetit kosovar të hendbollit, presidenti i FHK-së, Edin Kolgeci, i shpreh ngushëllimet më të sinqerta familjes Jashari dhe familjes Fejzullahu.

---